कोहलपुरले माग्यो इन्जिनियर पदमा आवेदन

नेपालगञ्ज : बाँकेको कोहलपुर नगरपालिकाले करार सेवामा इन्जिनियर पदमा आवेदन माग गरेको छ ।

नगर कार्यपालिकाको असार ९ गतेको निर्णयानुसार नगरपालिकाको कार्यालयको लागी अधिकृतस्तर छैठौं तह इन्जिनियर पदमा १ जनालाई करारमा कर्मचारी पदपूर्ती गर्नका लागि आवेदन माग गरेको हो ।

उक्त पदमा योग्यता पुगेकाले सूचना प्रकाशित भएको १५ दिन भित्रमा नगर कार्यपालिकाको कार्यालयमा कर्मचारी प्रशासन उपशाखामा दरखास्त दिनुहुन जनाएको छ ।