दसैं मेलामा ग्याङ फाइट हुँदा एक जनाको मृत्यु

काठमाण्डौ : दसैं मेलामा दुई समूहबीच ग्याङ फाइट हुँदा एक जनाको मृत्यु भएको छ । गएराति मेलामा पसल राख्ने विषयमा ग्याङ फाइट हुने क्रममा २० वर्षीय गोल्डेन नाम गरेका युवकको मृत्यु भएको प्रहरीले जानकारी दिएको छ।

प्रहरीका अनुसार गीता मन्दिर नजिक मेलाको सुरुवाती दिनमै दुई समूहबिच विवाद सुरु भएको प्रारम्भिक अनुसन्धानमा खुलेको छ । सोही विवाद राति हिंसात्मक रूप लिँदा गोल्डेनमाथि भाटोले प्रहार गरिएको थियो । गम्भीर घाइते भएका उनलाई उपचारका लागि नारायणी अस्पताल पु¥याइए पनि राति नै मृत्यु भएको प्रहरीले जनाएको छ ।

घटनामा संलग्न भएको आशङ्कामा प्रहरीले तीन जनालाई नियन्त्रणमा लिएको छ । तर, अनुसन्धान जारी रहेकाले उनीहरूको नाम गोप्य राखिएको प्रहरीले जनाएको छ ।

विवादको वास्तविक कारण अझै खुलेको छैन । नियन्त्रणमा लिइएकासँग सोधपुछ भइरहेको र घटनाबारे थप विवरण सङ्कलन गर्न सूक्ष्म अनुसन्धान सुरु गरिएको उनले बताए ।