लागुऔषधसहित बाँकेमा दुई जना पक्राउ

नेपालगञ्ज : लागुऔषधसहित बाँकेमा दुई जना पक्राउ परेका छन् । जुम्ला चन्दननाथ नगरपालिका–९ बस्ने २२ वर्षीय केशव गिरी र बाँके जानकी गाउँपालिका–५ बस्ने ४० वर्षीय मुराद खाँ लागुऔषधिसहित पक्राउ परेका हुन् ।

नेपालगञ्ज उपमहानगरपालिका–१८ कारकाँदोबाट अवैध लागूऔषध ब्राउनसुगर जस्तो देखिने पदार्थ ४ ग्राम सहित दुबै जनालाई पक्राउ गरिएको बाँके प्रहरीले जनाएको छ । उनीहरुलाई नियन्त्रणमा लिएर यसबारेमा थप अनुसन्धान गरिएको प्रहरीको भनाई छ ।