पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
बर्दिया : प्रहरीले गत साउनदेखि फागुन मसान्तसम्म लागुऔषध ब्राउन सुगर, चरेस, गाँजा लगायत टयाबलेटसहित ९१ जनालाई पक्राउ गरेको छ । तीमध्ये तीन जना महिला रहेको प्रहरीले जनाएको छ ।
उक्त अवधिमा प्रहरीले गाँजा १७ किलो ८४ ग्राम, चरेस २ किलो १ सय ६ ग्राम, ब्राउन सुगर ६८ ग्राम ६ सय ९ मिलिग्राम, ट्याबलेट १ सय ४६ वटा र सिरप २ बोतल बरामद गरेको छ ।
जिल्ला प्रहरी कार्यालय, बर्दियाले यहाँ आयोजना गरेको पत्रकार सम्मेलनमा प्रहरी उपरीक्षक केदार खनालले बताए । पक्राउ परेका ७८ जनाविरुद्ध मुद्दा चलाइएको उनले जनाए ।
बर्दियासँग जोडिएको भारतीय बजार बलैगाउँ र लौकाही नाकाबाट सबैभन्दा बढी लागुऔषध ब्राउन सुगर भित्रिएको थियो । चरेस भने नेपाल हुँदै भारत जाने क्रममा पक्राउ परेको प्रहरीले जनाएको छ । स्थानीय प्रशासनले लागुऔषधविरुद्ध अभियान चलाएपछि कारोबारी र सेवनकर्ता पक्राउ पर्न थालेको हो ।
यसैगरी सोही अवधीमा जिल्ला अदालतबाट विभिन्न मुद्दा फैसला भएका फरार प्रतिवादी १ सय ८४ जना पक्राउ परेका थिए ।
