ज्ञानोदय सामुदायिक पुस्तकालयद्धारा बैदवारलाई आर्थिक सहयोग

नेपालगञ्ज : ज्ञानोदय सामुदायिक पुस्तकालय तथा श्रोत केन्द्र कोहलपुरले राप्तीसोनारी गाउँपालिका वडा नम्बर २ महेन्द्रपुर निवासी विर सिंह बैदवार ‘गन्धर्व’ लाई आर्थिक सहयोग गरेको छ ।

आज ज्ञानोदय पुस्तकालयका सचिव एक राज शर्माका अनुसार बैदवारको विगत दुईवर्षदेखि घांटिको समस्या देखिएको र पछि उपचार गर्ने क्रममा क्यान्सर जस्तो रोग देखिएकाले उहाँको उपचारको लागि पुस्तकालयले आर्थिक सहयोग गरेको बताएका छन् ।

ज्ञानोदय पुस्तकालयका अध्यक्ष चेतकान्त भट्टराई र सचिव एकराज शर्माले संयुक्त रुपमा बैदवारलाई ५ हजार रुपैयाँ हस्तान्तरण गरेका हुन् ।