दाङमा टिपर दुर्घटना हुँदा चालकको मृत्यु

नेपालगञ्ज : दाङमा  टिपर दुर्घटनामा चालकको मृत्यु भएको छ । 

घोराही तापा सडक खण्डअन्तर्गत  बङ्गलाचुली गाउँपालिका ४ जुम्लेपानीमा गए राती रा १ ख १८५७ नम्बरको टिपर दुर्घटनामा चालकको मृत्यु भएको जिल्ला प्रहरी कार्यालय दाङका प्रवक्ता एवं प्रहरी नायब उपरीक्षक ईश्वर थापाले जानकारी दिए ।

प्रहरी नायब उपरीक्षक थापाका अनुसार मृत्यु हुनेमा गढवा गाउँपालिका ७ निवासी प्रभु चौधरी रहेका छन् । चुनढुङ्गा लिन जान लगेको टिपर घोराही तापा सडक खण्डअन्तर्गत जुम्लेपानीमा सडकदेखि करिब १०० मिटर तल खसेको प्रहरीले जनाएको  छ ।