सिकार खेल्न गएका युवकको छर्रा लागेर मुत्यु

दैलेख : सिकार खेल्न गएका युवकको छर्रा लागेर मृत्यु भएको छ । मृत्यु हुनेमा महावु गाउँपालिका –४ काप्रीखोलाका ३५ वर्षीय पूर्णबहादुर सलामी मगर रहेको जिल्ला प्रहरी कार्यालय दैलेखले जानकारी दिएको छ ।

जिल्ला प्रहरी कार्यालय दैलेखका सूचना अधिकारी प्रहरी निरीक्षक लालबहादुर सुनारले सिकार खेल्न गएका सूर्यबहादुर थापा बलामी लडेको बेला भरुवा बन्दुक पड्किँदा मगरको छातीमा छर्रा लागेर घटनास्थलमै मुत्यु भएको जानकारी दिए ।

उनले भरुवा बन्दुकसहित बलामी र ओमबहादुर थापा बलामीलाई नियन्त्रण लिई अनुसन्धान गरिरहेको बताए ।