ब्राउन सुगरसहित बर्दियामा दुई जना पक्राउ

बर्दिया : बर्दियाबाट  प्रहरीले लागुऔषधसहित दुई जनालाई नियन्त्रणमा लिएको छ । जिल्ला प्रहरी कार्यालय बर्दियाका अनुसार बढैयाताल गाउँपालिका–२ फुटाहा ४ नम्बर  चोकबाट ९८० मिलिग्राम ब्राउन सुगरसहित एक युवकलाई नियन्त्रणमा लिएको हो ।

भारतबाट ब्राउन सुगर लिएर आउँदै गरेको अवस्थामा इलाका प्रहरी कार्यालय मैनापोखरले बाँसगढी नगरपालिका–५ बस्ने २६ वर्षीय राम चौधरीलाई नियन्त्रणमा लिएको जिल्ला प्रहरी कार्यालय बर्दियाले जानकारी दिएको छ ।

त्यसैगरि बढैयाताल गाउँपालिका–७ कण्ठपुरबाट ८ सय मिलिग्राम ब्राउन सुगरसहित बाँसगढी नगरपालिका –५ का २९ वर्षीय सुबास वलीलाई पक्राउ गरिएको बर्दिया प्रहरीले जानकारी दिएको छ ।

चौधरी र वलीलाई इलाका प्रहरी कार्यालय मैनापोखरको हिरासतमा राखेर थप अनुसन्धान अगाडि बढाइएको जिल्ला प्रहरी कार्यालय बर्दियाले जनाएको छ ।