बाँकेमा पहिलो पटक हुम्ली एकता समाज गठन हुँदै

नेपालगञ्ज : बाँकेमा पहिलो पटक हुम्ली एकता समाज गठन हुँदैछ । “सामूहिक जमघट हाम्रो आवश्यकता, बाँकेमा हुम्लीको एकता र दिगो विकासको सुनिश्चितता” भन्ने मुल नाराका साथ बाँकेमा हुम्ली एकता समाज गठन हुने भएको छ ।

हुम्ला जिल्लाबाट बाँके जिल्लाका बसाईसराई तथा बसोबास गदै आउनु भएका सम्पुर्ण हुम्लीहरुलाई समेटेर एकता समाज गठन गर्न लागेको हुम्ली एकता समाजका अगुवा अशोक भण्डारीले जानकारी दिएका छन् ।

भाद्र २२ गते शनिबार कोहलपुरमा हुने हुम्लीहरुको भेलाबाट तदर्थ समिति गठन गर्ने योजनाका साथ भेला बोलाइएको भण्डारीले जानकारी दिए ।

बाँकेका ८ वटै स्थानीय तहमा बसोबास गदै आइरहेका सम्पुर्ण हुम्लीवासी महिला पुरुषलाई २२ गतेको भेलामा उपस्थित हुनका लागि पत्रचार गरिएको भण्डारीले बताए ।