पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
नेपालगञ्ज : बाँके युनेस्को क्लबले बर्दियाको ठाकुरद्वारास्थित थारु होम रिसोर्टमा हरित फोटो र भिडियोग्राफी सम्बन्धी तीन दिने तालिम विहिबारबाट सुरु गरेको छ ।
क्लबले प्लान इन्टरनेशनल नेपालसँगको साझेदारीमा सञ्चालन गरेको ग्रिन इकोनोमि परियोजना अन्तर्गत सो तालिम शुरु गरिएको हो ।
शनिवारसम्म चल्ने सो तालिममा राजापुर र ठाकुरबाबा नगरपालिकाका १८ देखि २४ वर्ष उमेरका १० जना युवतीहरूले सहभागिता रहेको ग्रिन इकोनोमि परियोजनाका संयोजक राधेकृष्ण थारुले बताए ।
उहाँका अनुसार सो तालिमको मुख्य उद्देश्य वातावरणीय दिगोपन, हरित अर्थतन्त्र र जलवायु परिवर्तनमा केन्द्रित उच्च गुणस्तरका तस्बिर र भिडियोहरू खिच्ने क्षमता बढाएर युवा महिलाहरूलाई सशक्त बनाउनु हो ।
यसले उनीहरूलाई आफ्नो समुदाय भित्रका स्थानीय वातावरणीय मुद्दाहरू र हरित पहलहरूलाई दस्तावेजीकरण र हाइलाइट गर्न आवश्यक सीपहरू प्रदान गर्ने लक्ष्य राखेको परियोजना संयोजक थारुले बताए ।
यसबाहेक, उक्त तालिमले वातावरणीय मामिलाहरूमा जागरूकता जगाउन र स्थानीय सरकारहरू र सरोकारवालाहरूलाई प्रभाव पार्न भिडियो र तस्विर मार्फत महिलाहरुलाई सक्षम बनाउने पनि बाँके युनेस्को क्लबले जनाएको छ ।
तालिमको सहजीकरण वरिष्ठ पत्रकार रुद्रप्रसाद सुवेदीले गरेका छन् भने अर्का पत्रकार लक्ष्मी तिमल्सेना सहायक सहजकर्ताको रुपमा रहेकी छन् ।
क्लबका परियोजना संयोजक राधेकृष्ण थारु, फिल्ड सुपरभाइजरहरू संजिता रिजाल र कंचन दहितले तालिमको उचित र प्रभावकारी कार्यान्वयनमा सहयोग गरेको क्लबले जनाएको छ ।
