मोटरसाइकल दुर्घटनामा एकको मृत्यु

प्युठान : प्युठानको ऐरावती गाउँपालिकामा मोटरसाइकल दुर्घटनामा चालकको मृत्यु भएको छ । 

ऐरावती गाउँपालिका–२ हरियाखोलामा लु २७ प ९१३४ नम्बरको मोटरसाइकल दुर्घटनामा ऐरावती गाउँपालिका–६ अर्लावाङका २७ वर्षीय नवराज श्रेष्ठको मृत्यु भएको जिल्ला प्रहरी कार्यालय प्युठानले जानकारी दिएको छ ।

शनिबार राति ११ बजे दुर्घटनामा परि गम्भीर घाइते भएका श्रेष्ठको उपचारको क्रममा राती १ बजे जिल्ला अस्पताल प्युठानमा मृत्यु भएको हो ।