बर्दियामा एक बृद्धा नहरमा मृत फेला

बर्दिया : मधुवन नगरपालिका–४ बादरभरियाकी ७० वर्षीया महिला नहरमा डुबेको अवस्थामा मृत फेला परेकी छिन् । 

ईलाका प्रहरी कार्यालय, ढोढरीका प्रहरी निरीक्षक महेन्द्र सेनले सोही पालिका–४ स्थित ७० वर्षीया बजन दैया थरुनीको शव देउती मन्दिर नजिकको साइफनमा फेला परेको जनाए ।

उनी सधै बिहान घर अगाडिको नहरमा हातमुख धुन जाने गरेको र चिप्लिएर बगेको हुनसक्ने अनुमान प्रहरीले गरेको छ ।

थरुनीको शव परीक्षणका पछि आफन्तलाई हस्तान्तरण गरिएको प्रनि सेनले जनाए । घटनाका सम्बन्धमा प्रहरीले अनुसन्धान गरिरहेको छ ।