कोहलपुरमा ब्राउनसुगर सहित १ जना पक्राउ

नेपालगञ्ज : अवैध लागुऔषधसहित बाँकेमा एक जना पक्राउ परेका छन् । कोहलपुर नगरपालिका–८ सिक्टा नहरस्थित पुलबाट अवैध लागूऔषध ब्राउनसुगर जस्तो देखिने पदार्थ ५० मिलिग्राम सहित सोही नगरपालिका–८ पिपिरी बस्ने २४ वर्षीय शंखर यादव पक्राउ परेका हुन् । 

इलाका प्रहरी कार्यालय कोहलपुर र लागूऔषध नियन्त्रण व्यूरो शाखा नेपालगञ्जबाट खटिएको प्रहरीले उनलाई उक्त पदार्थ सहित पक्राउ गरेको हो । उक्त सम्बन्धमा प्रहरीले थप अनुसन्धान गरिरहेको छ ।