पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
बर्दिया : हाल देखिएको ग्यासको चरम अभाव कम गर्नका लागि बर्दियाको राजापुर नगरपालिकाले अनुदानमा विद्युतीय चुलो वितरण सुरु गरेको छ ।
नगरपालिकाले उपभोक्तालाई अनुदानमा ग्यासको अभावमा वितरण गरिरहेको छ । नगरपालिकाले तीन हजार सात सय ६७ रुपैयाँ पर्ने विद्युतीय चुलो उपभोक्तालाई ८ सय ६५ रुपैयाँ लागतमा वितरण गरेको हो ।
उपभोक्ताले अनुदानमा विद्युतीय चुलोका लागि माग फारम भरेकालाई हस्तान्तरण गरिएको छ । नगरपालिकाले पहिलो चरणमा छ सय जना उपभोक्तालाई विद्युतीय चुलो वितरण गर्ने योजना राखेको प्रमुख प्रशासकीय अधिकृत दशरथ बुढाले बताए । पछिल्लो समय देखिएको ग्यास अभावको समस्याबाट प्रभावित नागरिकलाई सहजता प्रदान गर्ने उद्देश्यले यो कार्यक्रम गरिएको उनले बताए ।
नगर प्रमुख दिपेश थारूले विद्युतीय चुलो प्रयोगले घरायसी खर्च घट्नुका साथै आयातित इन्धनमा निर्भरता कम हुने बताए । उनले देशको पैसा देशभित्रै राख्ने र वैकल्पिक ऊर्जाको प्रयोगलाई प्रवर्धन गर्ने लक्ष्यका साथ यस्तो अभियान अघि बढाइएको बताए ।
विद्युतीय चुलो पाएपछि उपभोक्ताहरू खुसी देखिएका छन् । ग्यास अभावका कारण भोग्दैआएको समस्या समाधान हुने विश्वास व्यक्त गर्दै उनीहरूले यस कार्यक्रमले दैनिक जीवन सहज बनाउने बताएका छन् ।
