बागेश्वरी मन्दिरमा भित्र्याइयो फूलपाती

नेपालगञ्ज : बाँके नेपालगन्जस्थित हिन्दु धर्मावलम्बीहरूको प्रमुख शक्तिपिठ बागेश्वरी मन्दिरमा आज फूलपाती भित्र्याइएको छ । 

नेपाली सेना, नेपाल प्रहरी र सशस्त्र प्रहरीको संयुक्त टोलीले हिन्दु धर्मावलम्बीहरूको प्रमुख शक्तिपिठ  बागेश्वरी मन्दिरमा आज बिहान फूलपाती भित्र्याएको हो  ।

सो टोलीले बिहानै बागेश्वरीमा फूलपाती चढाएर पूजापाठ गरेको थियो । त्यस अवसरमा बाँकेका प्रमुख जिल्ला अधिकारी खगेन्द्र प्रसाद रिजाल, बागेश्वरी मन्दिरका मूल महन्त चन्द्रनाथ योगी, सबै सुरक्षा निकायका प्रमुख लगायतको उपस्थिति थियो । 

आजकै दिन हिन्दु धर्मालम्वीहरुले घर घरबाट फूलपाती ल्याएर बागेश्वरी मन्दिरमा चढाउने र मन्दिरबाट फूल टिका लिएर आ–आफ्नो घरमा भित्र्याउने चलन रहिआएको छ ।