नेपालगञ्ज १८ मा सडक स्तरोन्नती गरिँदै

नेपालगञ्ज : नेपालगञ्ज उपमहानगरपालिका वडा नं. १८ को शिवशक्ति टोलमा सडकको शिलान्यास गरिएको छ । आइतवार एक कार्यक्रमका विच शिवशक्ति टोलमा रहेको सडकको शिलान्यास गरिएको हो । नेपालगञ्ज १८ मा धमाधम सडक स्तरोन्नती भईरहेको स्थानियवासी बताउँछन् । 

वडाध्यक्ष दिपक कुमार बर्माको सक्रियताले वडाका टोल टोलमा सडक स्तरोन्नती भईरहेको स्थानियवासीले बताए । बर्माले वडाको टोल टोलका सडक स्तरोन्नतीका लागि आरसिसी नालासहितको सडक शिलान्यास गरि धमाधम निर्माण कार्य अगाडी बढाएको बताए । 

करिव ३० लाखको लागतमा आइतवार शिवशक्ति टोलमा रहेको २ सय १४ मिटर आरसीसी नालासहितको सडक स्तरोन्नतीका लागि स्थानियवासीको सहभागितामा शिलान्यास गरि निर्माण कार्य अगाडी बढाएको वडाध्यक्ष बर्माले बताए ।