पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
धनगढी : कैलाली कारागारमा एक कैदीबन्दीको उपचारका क्रममा मृत्यु भएको छ ।
जबरजस्ती करणी मुद्दामा पुर्पक्षका लागि थुनामा रहेका टीकापुर नगरपालिका–४ का ५६ वर्षीय रामकिसन चौधरीको सोमबार दिउँसो मृत्यु भएको कारागार प्रशासनले जनाएको छ ।
कारागारका जेलर प्रकाश ढुंगानाका अनुसार चौधरीलाई दिउँसो साढे २ बजेतिर रिंगटा लागेपछि उपचारका लागि सेती प्रादेशिक अस्पताल लगिएको थियो । अस्पताल पुर्याएको केहीबेरमै चिकित्सकले उनलाई मृत घोषणा गरेका थिए ।
जबरजस्ती करणी मुद्दामा थुनामा रहेका चौधरी उच्च रक्तचापको समस्या भएका व्यक्ति भएको जेलर ढुंगानाले बताए । चिकित्सकले पनि उच्च रक्तचापकै कारण मृत्यु भएको प्रारम्भिक अनुमान गरेको उनले जानकारी दिए ।
2025-08-25
