पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
काठमाण्डौ : इजिप्टले ग्यास र तेलका लागि ११० वटा अन्वेषण इनार ड्रिल गर्ने योजना बनाएको छ। जसका लागि उसले १ अर्ब.२० करोड अमेरिकी डलरभन्दा बढी लगानी गर्नेछ।
चालू आर्थिक वर्ष २०२४÷०२५ मा यति रकम ग्यास र तेलका इनारका लागि खर्च गर्ने इजिप्टका पेट्रोलियम तथा खनिज स्रोत मन्त्रालयले जनाएको छ।
नयाँ सरकारको कार्यक्रमको समीक्षा गर्ने संसदीय समितिसँगको बैठकमा मन्त्री करिम बडावीले इजिप्टमा ग्यास र तेलका लागि ५८६ वटा अन्वेषक इनार खनिने बताए।
अन्वेषण गतिविधिका सम्बन्धमा मन्त्रीले तेल र ग्यासको अनुसन्धान र अन्वेषण क्षेत्रमा हाल १४५ वटा प्रतिबद्धता सम्झौता भएको र ४० साझेदारसँग सम्पन्न भइसकेको बताए।
उनले अन्वेषण गतिविधिमा चुनौती रहेको औँल्याए। विशेष गरी लगानीका अवसरहरू प्रदान गर्ने क्षेत्रीय प्रतिस्पर्धा र आर्थिक प्रोत्साहनका साथै अनुसन्धान र अन्वेषण गतिविधिहरूको ढिलो कार्यान्वयन हुने गरेको बताए।
इजिप्टले हालैका वर्षहरूमा देशमा ठूला खोजहरू गरिसकेपछि तेल र तरल प्राकृतिक ग्यासको लागि क्षेत्रीय व्यापार केन्द्र बन्ने लक्ष्य राखेको छ। जसमा भूमध्यसागरको जोहर ग्यास क्षेत्र पनि समावेश छ। जसमा अनुमानित ३० खर्ब घन फिट ग्यास छ।
