मोटरसाइकल दुर्घटनामा कोहलपुरका सुनारको मृत्यु

नेपालगञ्ज : कोहलपुर नगरपालिका–१० का ५६ वर्षीय पोष्करबहादुर सुनारको मोटरसाइकल दुर्घटनामा मृत्यु भएको छ ।

सोमबार दाङको लमही नगरपालिका–८ असानी भन्ने ठाउँमा बिहान साढे ९ बजे दुर्घटनामा परी गम्भीर घाइते भएका सुनारका उपचारका लागि दाङको लमही अस्पताल पुर्याइएको थियो ।

उपचारको क्रममा बिहान ११ बजे मृत्यु भएको प्रहरीले जनाएको छ । सुनारले चलाएको रा ३ प ७११४ नम्बरको मोटरसाइकल पूर्व–पश्चिम राजमार्ग अन्तर्गत अमिलिया हुँदै लमही जाँदै गर्दा लमही नगरपालिका–८ असानी भन्ने ठाउँमा दुर्घटना परेको थियो ।

मोटरसाइकल आफै अनियन्त्रित भएर दुर्घटनामा परेको हो । प्रहरीका अनुसार मृतकको साथमा रहेका काजजातका आधारमा उनको सनाखत गरिएका हो ।