जबर्जस्ती करणी आरोपमा वडाध्यक्ष पक्राउ

जुम्ला : जुम्लाको पातारासी गाउँपालिका–५ का बहालवाला वडाध्यक्ष दत्तबहादुर बुढा जबर्जस्ती करणी आरोपमा पक्राउ परेका छन् । 

जिल्ला प्रहरी कार्यालय जुम्लाका प्रमुख डिएसपी रविनबाबु रेग्मीका अनुसार बुढालाई पक्राउ पुर्जीका आधारमा नियन्त्रणमा लिइएको हो । घटना सम्बन्धी थप अनुसन्धानका लागि अदालतबाट पाँच दिनको म्याद थप गरिएको उनको भनाइ छ । 

प्रहरीका अनुसार पीडित भनिएकी महिलाको पहिचान गोप्य राखिएको छ । बुढाले पटक–पटक धम्क्याउँदै आफुलाई जबर्जस्ती करणी गरेको उजुरी दिएकी छन् । 

घटनाबारे आवश्यक अनुसन्धान प्रक्रिया जारी रहेको जिल्ला प्रहरी कार्यालय जुम्लाले जनाएको छ । पीडित महिलाले वैशाख २२ गते जिल्ला प्रहरी कार्यालय जुम्लामा उजुरी दिएपछि प्रहरीले घटनाका आरोपितलाई पक्राउ गरेको हो ।