प्रतिबन्धित लागुऔषधसहित बाँकेमा एक जना पक्राउ

नेपालगञ्ज : प्रतिबन्धित लागुऔषधसहित बाँकेमा एकजना पक्राउ परेका छन् । सीमावर्ती जमुनाहाबाट बैजनाथ गाउँपालिका २ डिगिया बस्दै आएका ३४ वर्षीय रेशम नेपाली पक्राउ परेका हुन् । 

स्थायी ठेगाना विरेन्द्रनगर नगरपालिका वडा नं. ११ सुर्खेत घर भएका नेपाली ९०० पिस लागुऔषध ट्रामाडोलसहित पक्राउ परेको बाँके प्रहरीले जनाएको छ । भारतीय बजार रुपईडिहाबाट नेपालगञ्जतर्फ पैदल आउँदै गरेका नेपालीलाई शंका लागि जाँच गर्दा उनको साथबाट ठुलो मात्रामा ट्रामाडोल फेला परेको हो । 

पक्राउ परेका नेपालीलाई थप अनुसन्धानका लागि जिल्ला प्रहरी कार्यालय बाँकेमा राखिएको छ ।