नमस्तेका बचतकर्तासँग बाँके प्रहरीद्वारा जाहेरी माग

नेपालगञ्ज : नमस्ते बचत तथा सहकारी संस्था लिमिटेडका बचतकर्तालाई जिल्ला प्रहरी कार्यालय बाँकेमा जाहेरी दिन सूचना जारी गरिएको छ । 

सहकारीको रकम हिनामिनाको अनुसन्धान तहकिकातको सिलसिलामा बचतकर्ताको रकम यकिन गर्न जाहेरी माग गरिएको हो ।  जिल्ला प्रहरी कार्यालय बाँकेले सूचना जारी गरेर दश दिनभित्र जाहेरीसहित आउन बचतकर्तालाई आग्रह गरेको छ । 

बाँकेको ठूलोमध्येको नमस्ते सहकारीका सञ्चालक लामो समयदेखि बेपत्ता भएका छन् ।