सुर्खेतबाट बुटवल हिँडेको बस पल्टिँदा १३ जना घाइते

नेपालगञ्ज : सुर्खेतबाट बुटवलतर्फ गइरहेको बस पल्टिँदा १३ जना घाईते भएका छन् । कपिलवस्तुको शिवराज नगरपालिका वडा नम्बर–१ बनकसबासमा सोमबार उक्त बस पल्टिँदा १३ जना घाइते भएका हुन् । 

सुर्खेतबाट हिँडेको लु २ ख १५९८ नम्बरको बस मोटरसाईकललाई बचाउने क्रममा सडकबाट एक मिटर तल पल्टिएको हो । बस पल्टिँदा १३ जना घाइते भएका छन् भने ३ जनाको अवस्था गम्भीर रहेको जनाइएको छ । 

घाइते मध्ये १० जनाको चन्द्रौटा आधारभूत र ३ जनाको संजीवनी अस्पतालमा उपचार भइरहेको छ । सुरक्षाकर्मी घटना स्थल पुगेर घाईतेको उद्धार गरी अस्पताल पुर्याएका हुन् ।