अनुसन्धान लागि रास्वपा नेता पाण्डे ४ दिन थप हिरासतमा

काठमाण्डौ : सामाजिक सञ्जालमार्फत चरित्रहत्या गरेको अभियोगमा थप अनुसन्धानका लागि राष्ट्रिय स्वतन्त्र पार्टीका केन्द्रीय सदस्य तथा राष्ट्रिय योजना आयोगका पूर्वसदस्य अरनिको पाण्डेलाई चार दिनको म्याद थप भएको छ ।

एक महिलाले दिएको उजुरीपछि पाण्डे बुधबार नेपाल प्रहरीको साइबर ब्युरोमा उपस्थित भएका थिए ।

म्याद थपका लागि जिल्ला अदालत लगेर विद्युतीय कारोबार ऐन, २०६३ अन्तर्गत थप अनुसन्धानको लागि ४ दिन म्याद थप गरिएको ब्युरोका सूचना अधिकारी प्रहरी उपरीक्षक दीपकराज अवस्थीले जानकारी दिए ।

पाण्डे रास्वपा सरकारमा सहभागी भएका बेला राष्ट्रिय योजना आयोगको सदस्य बनेका थिए ।